(ยถา นิโรธวาเร อตีตานาคตา [อตีเตนานาคตา (สฺยา.)] ปุจฺฉา ยสฺสกมฺปิ ยตฺถกมฺปิ ยสฺสยตฺถกมฺปิ อนุโลมมฺปิ ปจฺจนีกมฺปิ วิภตฺตํ, เอวํ อุปฺปาทนิโรเธปิ อตีตานาคตา ปุจฺฉา วิภชิตพฺพาฯ)

อุปฺปาทนิโรธวาโรฯ

ปวตฺติวาโร นิฏฺฐิโตฯ

3. ปริญฺญาวาโร

1. ปจฺจุปฺปนฺนวาโร

[249] (ก) โย จกฺขายตนํ ปริชานาติ โส โสตายตนํ ปริชานาตีติ? อามนฺตาฯ

(ข) โย วา ปน โสตายตนํ ปริชานาติ โส จกฺขายตนํ ปริชานาตีติ? อามนฺตาฯ

(ก) โย จกฺขายตนํ น ปริชานาติ โส โสตายตนํ น ปริชานาตีติ? อามนฺตาฯ

(ข) โย วา ปน โสตายตนํ น ปริชานาติ โส จกฺขายตนํ น ปริชานาตีติ? อามนฺตาฯ

2. อตีตวาโร

[250] (ก) โย จกฺขายตนํ ปริชานิตฺถ โส โสตายตนํ ปริชานิตฺถาติ? อามนฺตาฯ

(ข) โย วา ปน โสตายตนํ ปริชานิตฺถ โส จกฺขายตนํ ปริชานิตฺถาติ? อามนฺตาฯ

(ก) โย จกฺขายตนํ น ปริชานิตฺถ โส โสตายตนํ น ปริชานิตฺถาติ? อามนฺตาฯ

(ข) โย วา ปน โสตายตนํ น ปริชานิตฺถ โส จกฺขายตนํ น ปริชานิตฺถาติ? อามนฺตาฯ

3. อนาคตวาโร

[251] (ก) โย จกฺขายตนํ ปริชานิสฺสติ โส โสตายตนํ ปริชานิสฺสตีติ? อามนฺตาฯ

(ข) โย วา ปน โสตายตนํ ปริชานิสฺสติ โส จกฺขายตนํ ปริชานิสฺสตีติ? อามนฺตาฯ

(ก) โย จกฺขายตนํ น ปริชานิสฺสติ โส โสตายตนํ น ปริชานิสฺสตีติ? อามนฺตาฯ

(ข) โย วา ปน โสตายตนํ น ปริชานิสฺสติ โส จกฺขายตนํ น ปริชานิสฺสตีติ? อามนฺตาฯ

4. ปจฺจุปฺปนฺนาตีตวาโร

[252] (ก) โย จกฺขายตนํ ปริชานาติ โส โสตายตนํ ปริชานิตฺถาติ? โนฯ

(ข) โย วา ปน โสตายตนํ ปริชานิตฺถ โส จกฺขายตนํ ปริชานาตีติ? โนฯ

(ก) โย จกฺขายตนํ น ปริชานาติ โส โสตายตนํ น ปริชานิตฺถาติ?

อรหา จกฺขายตนํ น ปริชานาติ, โน จ โสตายตนํ น ปริชานิตฺถฯ อคฺคมคฺคสมงฺคิญฺจ อรหนฺตญฺจ ฐเปตฺวา อวเสสา ปุคฺคลา จกฺขายตนญฺจ น ปริชานนฺติ โสตายตนญฺจ น ปริชานิตฺถฯ

(ข) โย วา ปน โสตายตนํ น ปริชานิตฺถ โส จกฺขายตนํ น ปริชานาตีติ?

อคฺคมคฺคสมงฺคี โสตายตนํ น ปริชานิตฺถ, โน จ จกฺขายตนํ น ปริชานาติฯ อคฺคมคฺคสมงฺคิญฺจ อรหนฺตญฺจ ฐเปตฺวา อวเสสา ปุคฺคลา โสตายตนญฺจ น ปริชานิตฺถ จกฺขายตนญฺจ น ปริชานนฺติฯ

5. ปจฺจุปฺปนฺนานาคตวาโร

[253] (ก) โย จกฺขายตนํ ปริชานาติ โส โสตายตนํ ปริชานิสฺสตีติ? โนฯ

(ข) โย วา ปน โสตายตนํ ปริชานิสฺสติ โส จกฺขายตนํ ปริชานาตีติ? โนฯ

(ก) โย จกฺขายตนํ น ปริชานาติ โส โสตายตนํ น ปริชานิสฺสตีติ?

เย มคฺคํ ปฏิลภิสฺสนฺติ เต จกฺขายตนํ น ปริชานนฺติ , โน จ โสตายตนํ น ปริชานิสฺสนฺติฯ อรหา เย จ ปุถุชฺชนา มคฺคํ น ปฏิลภิสฺสนฺติ เต จกฺขายตนญฺจ น ปริชานนฺติ โสตายตนญฺจ น ปริชานิสฺสนฺติฯ

(ข) โย วา ปน โสตายตนํ น ปริชานิสฺสติ โส จกฺขายตนํ น ปริชานาตีติ?

อคฺคมคฺคสมงฺคี โสตายตนํ น ปริชานิสฺสติ, โน จ จกฺขายตนํ น ปริชานาติฯ อรหา เย จ ปุถุชฺชนา มคฺคํ น ปฏิลภิสฺสนฺติ เต โสตายตนญฺจ น ปริชานิสฺสนฺติ จกฺขายตนญฺจ น ปริชานนฺติฯ

6. อตีตานาคตวาโร